|
Borgarvirki er sérkennilegur blágrýtisstapi sem gnæfir upp úr Borgarási austan við Vesturhópsvatn. Það er 9 km leið þangað frá hringveginum. Ofan af Borgarvirki er mjög víðsýnt um Vesturhóp, Víðidal, út á Vatnsne, Hópið og Húnaþing. Klettaborgin er 10-15 metra há og er úr stuðlabergi. Ofan í hana miðja er dæld, um 40 metrar í þvermál, sem opnast til suðausturs. Hefur verið hlaðinn grjótveggur í opið og eins á brúnir klettanna. Hleðslur þessar voru lagfærðar 1950 að tilstuðlan Húnvetningafélagsins í Reykjavík. Í virkinu eru rútir skála og þar mun hafa verið brunnur. Ekki er vitað hver byggði Borgarvirki en ýmsar tilgátur hafa verið settar fram Virkisins er hvergi getið í sögunum þrátt fyrir að tvær þeirra, Finnbogasaga og Heiðarvígasaga, gerist í nágrenni virkisins. Munnmæli segja hins vegar að Barði Guðmundsson í Ásbjarnarnesi hafi gert virkið til að verjast Borgfirðingum.Einnig eru til munnmæli um að Finnbogi rammi hafi gert virkið til varnar Vatnsdælum og enn önnur um að Borgarvirki sé héaðsvígi síðan á landnámsöld.
|
